აშშ-ში საქართველოს მოქალაქე მოკლეს
აშშ-ში საქართველოს მოქალაქე მოკლეს

A+ A-

13:04 07/01/2023

აშშ-ში, ნიუ-იორკში საქართველოს მოქალაქე მოკლეს.

ადგილობრივი მედიის ინფორმაციით, 42 წლის მამაკაცი მეგობარი ქალის ყოფილმა მეუღლემ, სავარაუდოდ, ეჭვიანობის ნიადაგზე მოკლა.

მკვლელობა ბრუკლინში, მანქანების ავტოსადგომზე მოხდა, სადაც მანამდე ქალსა და მის 47 წლის ყოფილ ქმარს შორის სიტყვიერი დაპირისპირება იყო.

პოლიციის თქმით, საქართველოს მოქალაქეს 6-ჯერ ესროლეს, მას მიყენებული აქვს ასევე ჭრილობები ცივი იარაღით.

მედიის ინფორმაციით, თავდამსხმელი დაკავებულია, მის წინააღმდეგ გამოძიება მკვლელობის და იარაღის უკანონო ტარების მუხლებით მიმდინარეობს.