ბრიტანეთში ძლიერი თოვის გამო აეროპორტები დაიკეტა
ბრიტანეთში ძლიერი თოვის გამო აეროპორტები დაიკეტა

A+ A-

12:02 12/12/2022

დიდ ბრიტანეთში ორი დღეა, ძლიერი თოვაა. უამინდობის გამო ქვეყნის მასშტაბით აეროპორტები დაიკეტა, შეფერხებებია გზებსა და რკინიგზაზეც.

ლონდონის ჰითროუს აეროპორტში გუშინ 50-ზე მეტი რეისი გაუქმდა. სტანსტედის აეროპორტში სრულად დახურულია ასაფრენი ბილიკები, დახურულია გეთვიკის აეროპორტიც.

გარდა ამისა, ბრიტანეთში ძლიერმა თოვლმა, ყინულმა და ცუდი ხილვადობამ საავტომობილო გზებზე პრობლემები შექმნა, დაფიქსირებულია დიდი რაოდენობით ავტოსაგზაო შემთხვევები და საცობები.

უამინდობის გამო შეფერხებულია მატარებლების მოძრაობაც.

მეტეოროლოგიური სამსახურის ინფორმაციით, უამინდობა ქვეყნის მასშტაბით რამდენიმე დღე გაგრძელდება.