"დაავალეს მაშინ ეგინებინათ პატარა ბერა, რომ როგორმე გამოეყვანათ წყობილებიდან"
"დაავალეს მაშინ ეგინებინათ პატარა ბერა, რომ როგორმე გამოეყვანათ წყობილებიდან"

A+ A-

17:00 08/03/2021

მე მგონია, რომ არავითარ შემთხვევაში არ უნდა დაიწყოს - ასე პასუხობს გია ვოლსკი დასმულ კითხვას, უნდა დაიწყოს თუ არა მედიით გავრცელებულ აუდიო ჩანაწერებთან დაკავშირებით გამოძიება.  

"ყველამ ყველაფერი კარგად იცის. დაავალეს მაშინ ეგინებინათ პატარა ბერა, რომ როგორმე გამოეყვანათ წყობილებიდან, ამით არავინ არც დასჯილა და არაფერი შედეგი ამას არ მოუტანია ვინმესთვის ცუდი. დღეს დავალება აქვთ, რომ ისევ აგინონ ბერა, მას მერე, რაც ოჯახი ჰყავს, ბავშვი გაუჩნდა, იქნებ ისევ კიდევ რაღაც მოიგონონ და რაღაც არიონ სიტუაცია, ისევ დავალებული აქვთ რომ გამოვიდნენ და მოიგონონ, როგორ ჩაუჯდა ვიღაც მანქანაში და უთხრა რომ მოდით, იქნებ არ შეაგინოთ....  დღეს ახალგაზრდების გამოყვანა უნდათ და იმიტომ მოიგონეს ეს სისულელე და ამაზე როგორ გითხრათ, პროკურატურამ გამოძიება უნდა დაიწყოსო", - განაცხადა გია ვოლსკიმ "რუსთავი 2"-ის ეთერში.

მისივე თქმით, ეს სცენარი იმისთვისაა დაწერილი, რომ ახალგაზრდების გარეთ გაყვანის პროვოცირება მოხდეს.

"ნაცებს არ მოსწონთ ის შედეგი, რაც მივიღეთ არჩევნებით, ახლა ხან არასრულწლოვანი ბერას თემას შემოაგდებენ, ხან ვითომ პრემიერი როგორ უნდა მივიდეს მაგიდასთან. გეგონება გადაწყვეტილია, რომ პრემიერმა უნდა იაროს მოლაპარაკებებზე, გეგონება სხვა ამოცანები, რომელიც მის წინაშე დგას, არ არის შესასრულებელი და ნაკლებად მნიშვნელოვანია...

მე მინდა მივმართო, განსაკუთრებით, ახალგაზრდებს მივმართო, ეს ყველაფერი, ეს სიბინძურე, ეს უბადრუკი სცენარი დაწერილია იმისთვის, რომ როგორმე გარეთ გამოგიყვანონ“, - განაცხადა გია ვოლსკიმ.

საქართველოს პარლამენტის თავმჯდომარის პირველი მოადგილის თქმით, ოპონენტებს ულტიმატუმის გარდა ხელთ არაფერი აქვთ იმისათვის, რომ მოლაპარაკების მაგიდას მიუსხდნენ.

"ეს უბადრუკობა მიანიშნებს იმას, რომ ეს მოლაპარაკების მაგიდასთან მოსასვლელად, გარდა ულტიმატუმისა, რომელიც მიშა სააკაშვილმა შეუკვეთა იქიდან, ამის მეტი პოლიტიკურ სუბიექტებს ხელთ არ არაფერი არ აქვთ“, - აღნიშნა გია ვოლსკიმ.