ბიძინა ივანიშვილი თაღლითია, რომელმაც საქართველოს არაფერი მისცა, სიღარიბის გარდა - თინა ბოკუჩავა
ბიძინა ივანიშვილი თაღლითია, რომელმაც  საქართველოს არაფერი მისცა, სიღარიბის გარდა  - თინა ბოკუჩავა

A+ A-

14:54 18/09/2020

ბიძინა ივანიშვილი თაღლითია, რომელიც საქართველოს მოსახლეობას ოქროს კოშკებს პირდებოდა, სიღარიბის მეტი არაფერი მისცა. ამის შესახებ “ნაციონალური მოძრაობის“ ერთ-ერთმა ლიდერმა, თინა ბოკუჩავამ პარლამენტში სიტყვით გამოსვლისას განაცხადა, სადაც ეკონომიკის მინისტრს, ნათია თურნავას ინტერპელაციის წესით უსმენენ.

“ზევსი რომ გგონიათ, ოლიმპოს მთაზე მოკალათებული, ის ადამიანი სინამდვილეში ერთი ჩვეულებრივი თაღლითია. თაღლითი, რომელიც საქართველოს მოსახლეობას ოქროს კოშკებს ჰპირდებოდა და არაფერი მისცა სიღარიბის, სიდუხჭირისა და უპერსპექტივობის გარდა“, - განაცხადა ბოკუჩავამ.

თინა ბოკუჩავა, ეკონომიკის მინსტრს ახსენებს, რომ ადრე საქართველოს მოსახლეობას 100 დოლარის სესხისთვის 180 ლარი სჭირდებოდათ, ახლა კი 320 ლარი.

"თებერვალში თქვენ გააკეთეთ განცხადება ქალბატონო ნათია, რომ ლარის დინამიკა წავა გამყარებისკენ პირველ რიგში იმიტომ, რომ ჩვენი დინამიკა არის ჯანსაღიო. გარდა იმისა, რომ მცდარია თქვენი პროგნოზები, მე მაინტერესებს კონკრეტულად სიჯანსაღეს რომელ მაჩვენებლში ხედავთ? იმაში რომ ყოველი მეხუთე ბავშვი შიმშილობს ჩვენს ქვეყანაში თუ იმაში, რეგიონებში პედიატრები როცა ამბობენ, 1 წლამდე ბავშვების 95% -ის ავადობა სწორედ ცუდი და არასათანადო კვებით არის განპირობებული? თუ ის არის ჯანსაღი თქვენი აზრით, რომ რეგიონში ყველაზე მაღალია საქართველოში შიმშილობის მაჩვენებელი. 2005 -2006 წლებში, როცა ეკონომიკის მინისტრის პირველი მოადგილე იყავით, ლარის კურსი იყო 1.8, ახლა როცა მინისტრი ხართ, ლარის კურსია 3.2. მიუხედავად ამისა, თქვენ საქართველოს მოსახლეობას ეუბნებით, რომ ასეთი მყარი არასდროს ყოფილა ლარიოა. ქალბატონო ნათია, ამით თქვენ საქართველოს მოქალაქის ინტელექტს აყენებთ შეურაცხყოფას თუ მათ მეხსიერებას? თქვენ თუ არ გახსოვთ, როცა ეკონომიკის მინისტრის მოადგილე იყავით, მათ ახსოვთ, 100 დოლარის სესხისთვის 180 ლარი რომ სჭირდებოდათ, ახლა კი 320 ლარი სჭირდებათ. ეტყობა, თქვენთვის პრობლემას არ წარმოადგენს, მაგრამ ეს პრობლემაა მოსახლეობის 70%-სთვის, ვალებით გააქვთ ადამიანებს თავი, თვიდან თვემდე ვალებით ცხოვრობენ. ვალებით ყიდულობენ მედიკამენტებს, საკვებს საკუთარი ბავშვებისთვის. ეს არის რეალობა და არა ის, რაზეც საუბრობთ. მაშინ როცა ადამიანები საშიმშილოდ იყვნენ გამოკეტილები სახლებში, პანდემიის პერიოდში, ყოველგვარი შემოსავლის გარეშე, ბიუჯეტს ივანიშვილის ბიუჯეტის მხრველები ხრავდნენ. ასიათასობით ლარს ხარჯავდა ავეჯზე გომელაური, კალაძე კი ფოიერვერკებზე და ეს არ გაღელვებთ? ეს რეალობაა, როცა მოსახლეობის 1% მდიდრდება, 99%-ის გაღარიბების ხარჯზე. ამაზე საუბრობთ თავმომწონეთ ამ ტრიბუნიდან", - განაცხადა თინა ბოკუჩავამ.

ცნობისთვის, ეკონომიკისა და მდგრადი განვითარების მინისტრი, ნათია თურნავა პარლამენტში უსმენენ.