ქუთაისურად, პირდაპირ მითხარით, რა გიჭირთ და რით დაგეხმაროთ - გახარია ქუთაისელ ბიზნესმენებს
ქუთაისურად, პირდაპირ მითხარით, რა გიჭირთ და რით დაგეხმაროთ - გახარია ქუთაისელ ბიზნესმენებს

A+ A-

16:21 05/06/2020

საქართველო ბოლო წლებში ტურისტულად მნიშვნელოვანი ქვეყანა გახდა. ამის შესახებ პრემიერ-მინისტრმა გიორგი გახარიამ იმერეთის რეგიონის, ტურიზმის სექტორის წარმომადგნელებთან შეხვედრაზე განაცხადა.

როგორც გახარიამ განმარტა, ყველაფერს, რითაც მსოფლიომ საქართველო გაიცნო, უნდა დაემატოს, ისიც რომ ქვეყანამ ეფექტურად მართოს ინფექცია.

„კონკრეტული ქვეყნები საიდანაც ჩვენ რეალური შანსი გვაქვს, რომ პირველი ტურისტები მივიღოთ, ესაა ისრაელი, ბალტიისპირეთის ქვეყნების, ჩეხეთი, უნგრეთი, საბერძნეთი, ავსტრია. ჩვენი ძირითადი ამოცანაა, რომ ის რაც ეპიდემიის გავრცელების რისკების მართვაში შევძელით, ნელ-ნელა გადავთარგმნოთ კონკრეტულ ეკონომიკურ შედეგებში და ეს შედეგია ჩამოსული ტურისტების რაოდენობა.

აქ ჩვენ ერთმანეთზე ვართ დამოკიდებული. მე ვარ თქვენზე დამოკიდებული, ამ წესებს როგორ დაიცავთ და თქვენ მთავრობაზე ხართ დამოკიდებული, ჩვენ რა რაოდენობით და კოვიდის თვალსაზრისით როგორი სუფთა ქვეყნებიდან ჩამოვიყვათ ტურისტებს.

ბევრი უნდა ვიმუშაოთ, რომ სტანდარტები დავაკმაყოფილოთ, მაგრამ არ უნდა დაგვავიწყდეს ვირუსი. ერთადერთი შესაძლებლობაა, რომ ეს კრიზისი გამოვიყენით როგორც გამარჯვების, როგორც ეკონომიკური თვალსაზრისით წარმატების შესაძლებლობა ქვეყნისთვის.

უნდა გვახსოვდეს ვირუსი და ბევრი უნდა ვიშრომოთ, რომ დავიზღვიოთ თავი და სტუმრებიც. არაფრის არ მოგერიდოთ, ქუთაისურად, პირდაპირ მითხარით, რა გიჭირთ და რით შეგვიძლია დაგეხმაროთ,“- მიმართა გახარიამ იმერეთის რეგიონის ტურიზმის სექტორის წარმომადგენლებს.

ცნობისთვის, პრემიერის თქმით, ორმხრივი მოლაპარაკებების შედეგად საქართველოს შანსი აქვს, რომ პირველი ტურისტები ისრაელიდან, ბალტიისპირეთის ქვეყნებიდან, ჩეხეთიდან, უნგრეთიდან, საბერძნეთიდან და ავსტრიიდან მიიღოს