20 საუკეთესო კომედია, რომელიც ახლა უნდა ნახოთ
20 საუკეთესო კომედია, რომელიც ახლა უნდა ნახოთ

A+ A-

11:45 22/03/2020

მსოფლიოში კორონავირუსის გამო, შექმნილი ვითარებისა და საქართველოში საგანგებო მდგომარეობის გამოცხადებით, თუ სახლში მოიწყინეთ და არ იცით როგორ აიმაღლოთ განწყობა, ამაში ჩვენ დაგეხმარებით.

 
პოზიტიური განწყობა მნიშვნელოვანია ისეთ კრიზისულ სიტუაციებში, რომელიც ახლა მსოფლიოშია. ამისათვის კი, შეგიძლიათ, მოუსმინოთ მუსიკას, ნახოთ ფილმები ან/და წაიკითხოთ წიგნები.
 
თუ თქვენ ვერ გადაწყვიტეთ რომელი ფილმი ნახოთ, ჩვენ 20 საუკეთესო კომედიას შემოგთავაზებთ, კომედია - მსოფლიო კინოს ერთ-ერთი ყველაზე პოპულარული ჟანრია, რომელიც მაყურებელს განწყობას უმაღლებს და ეხმარება ცუდი ემოციებისგან გათავისუფლებაში.
 
ეს ჟანრი კინემატოგრაფში სასწაულებს ახდენს, რადგან ის ადამიანს დადებითი შეგრძნებებით მუხტავს. კინოს ისტორიაში უამრავი კარგი კომედია არსებობს, მაგრამ ამჟამად იმ 20 საუკეთესო კომედიას წარმოგიდგენთ, რომელიც ბოლო წლებში მაყურებლის ყველაზე დიდი სიმპათიით სარგებლობს, შესაძლოა ბევრი ნანახი გქონდეთ, მაგრამ "ყველაფერი ახალი ხომ კარგად დავიწყებული ძველია"?!
 
 
20. შუაღამე პარიზში/ Midnight in Paris (2011)

საუკეთესო კომედია ვუდი ალენის ჩვეულ სტილში. საოცარი შავი იუმორი და 20-იანი წლების პარიზის ინტელექტუალური ელიტის ჯადოსნური სამყარო. რომანტიკოსი მწერალი, რომელიც დარწმუნებულია, რომ 1920-იან წლებში უნდა ეცხოვრა, შეყვარებულთან ერთად პარიზში ჩამოდის და წარსულში ხვდება. ის იქ ჰემინგუეის, პიკასოს, ცოლ-ქმარ ფიცჯერალდებს და გერტრუდა სტაინს ხედავს და ხვდება, რომ სწორედ ამ დროებას მიეკუთვნება და იქ სამუდამოდ დარჩენა უნდა.

19. წაკითხვისთანავე დაწვით/Burn After Reading (2008)

ძმები კოენების შესანიშნავი ფილმი, რა თქმა უნდა, ტრადიციული არაჩვეულებრივი სამსახიობო დასით. აქ იხილავთ ჯორჯ კლუნის, ბრედ პიტს, ტილდა სუინტონს, ჯონ მალკოვიჩს და ა.შ. კ ომედია შპიონაჟზე გვიამბობს. ცენტრალური სადაზვერვო სააგენტოდან დათხოვნილი ოფიცერის მემუარები, სპორტულ დარბაზში მომუშავე ორ ჭკუასუსტ ადამიანს ჩაუვარდება ხელში და ცდილობენ საკუთარი მიზნებისთვის გამოიყენონ.

18. საკმარისია სიტყვები/ Enough Said (2013)

ფილმი ათეულში სრულიად დამსახურებულ ადგილს იკავებს. ეს არის რომანტიული კომედია განქორწინებულ ქალზე. ევა ქმარს დასცილდა და არ იცის რა აკეთოს. მალე ის გაიცნობს მომხიბლავ მამაკაცს, რომელიც აღმოჩნდება ყოფილი ქმარი ქალის რომლისაც მას თავის დროზე ძალიან შურდა.

17. 40 წლის ვაჟიშვილი/The 40-Year-Old Virgin (2005)

ეს ერთ-ერთი ის კომედიაა, რომელზე სიცილითაც მეზობლებს განარისხებთ. ორშაბათ დილით როდესაც მისი მეგობრები ენთუზიაზმით ყვებიან ვიქენდის ინტიმურ თავგადასავლებს, 40 წლის ენდი, მორიდებით უსმენს მათ, რადგან ის ჯერ კიდევ ვაჟიშვილია. მისი მეგობრები დევიდი, ჯეი და კალი გადაწყვეტენ დაეხმარონ მეგობარს. გარდა საუკეთესო სცენარისა ფილმი სამსახიობო ჯგუფის დაუვიწყარი მუშაობითაც გვხიბლავს.

16. ძალიან ცუდი/ Superbad (2007)

ეს არის ფილმი თინეიჯერებზე და მათ ცხოვრებაზე, თუმცა უფროსებსაც გაართობს და ახალი თვალით შეახედებს ახალგაზრდების ცხოვრებას. ფილმი მოგვითხრობს ორ საუკეთესო მეგობარზე, რომლებიც ამთავრებენ და აღელვებულები ელოდებიან კოლეჯში სწავლას. როდესაც ისინი წვეულებისთვის ალკოჰოლის ყიდვის მიზნით ყალბი პორადობების დასამზადებლად მათ მეგობარ მაკლავინთან მიდიან, მათი საღამო თანდათან ქაოსს ემსგავსება.

15. მსოფლიო პოლიცია/Team America: World Police (2004)

მსოფლიო პოლიცია არის მულტიპლიკაცია, რომელიც ერაყის ომს ეხება და ცდილობს დაანგრიოს ყველა დამკვიდრებული კლიშე ამ ომის შესახებ. ეს არის სატირა აშშ-ს საერთაშორისო პოლიტიკაზე. ჯგუფი "ამერიკა" ყოველთვის მზადაა დასახმარებლად! თუ ტერორისტებმა სადმე რაიმე შავბნელი საქმე ჩაიფიქრეს, ჯგუფი მაშინვე იქ გაჩნდება... და წესრიგს დაამყარებს.

14. სასტუმრო გრანდ ბუდაპეშტი/ The Grand Budapest Hotel (2014)

პირველივე კადრებიდანვე ხვდებით, რომ თქვენ თანამედროვეობის ერთ-ერთი საუკეთესო რეჟისორის ვეს ანდერსონი ფილმში მოხვდით. განუმეორებელი ვიზუალისა და დახვეწილი იუმორის ფილმი მოგვითხრობს პოპულარული ევროპული სასტუმროს ლეგენდარული კონსიერჟის ცხოვრებაზე, რომელიც თავბრუდამხვევი თავგადასავლებითაა სავსე.

13. თარგმანში დაკარგულები/ Lost in Translation (2003)

ის უფრო მეტია, ვიდრე კომედია. სოფია კოპოლას საოცარი ფილმი. ბილ მიურეიმ თავისი კარიერის მანძილზე არაერთი დაუვიწყარი როლი შექმნა, მაგრამ სოფია კოპოლას ფილმში მისმა არტისტიზმმა წარმოუდგენელ სიმაღლეებს მიაღწია. მოვლენები ტოკიოში, ხალხმრავალ კაშკაშა ქალაქში ვითარდება, ხანში შესული მსახიობი და ახალგაზრდა გოგონა დროის გასაყვანად ერთმანეთს უახლოვდებიან და ერთი შეხედვით წარმოუდგენელი მათი მეგობრობაც აქ იწყება.

12.როკის სკოლა/ School of Rock (2003)

ფილმი წარმოადგენს რეჟისორ რიჩარდ ლინკლეიტერისა და მსახიობ ჯეკ ბლექის პირველ კოლაბორაციას, რომლის შედეგადაც ძალიან საყვარელი და სასაცილო კომედია შეიქმნა. ფილმი მოგვითხრობს, უამრავი ვალით შეწუხებულ და დეპერსიით შეპყრობილ ყოფილ მუსიკოსზე, რომელიც კერძო სკოლაში იწყებს მასწავლებლად მუშაობას. მართალია მის კარიერას ბოლო მოეღო, მაგრამ გონიერი ადამიანი ყოველთვის გამონახავს გამოსავალს რთული სიტუაციიდან.

11.გზის განაპირა/ Sideways (2004)

უძლიერესი სამსახიობო შესრულება, რომელიც ამერიკის კინოაკადემიამ ჯეროვნად არ დააფასა. ეს არის დრამა და კომედია ერთად, ერთგვარი მთვრალი განწყობით, ის შეუჩერებელ სიცილსა და მშვენიერ განწყობას გვანიჭებს. ფილმი "გზის განაპირა" წარმოადგენს ფილმს ორ ორმოცს გადაცილებულ მამაკაცზე პოლ ჯიამატის და ტომას ჰეიდენ ჩერჩის მონაწილეობით, რომლებიც ერთი კვირით დასასვენებლად სანტა ბარბარაში მიდიან.

10. ახალი მოსწავლე

უმაღლესი სკოლის მოსწავლე დიზი ერთ-ერთი უღბლოთაგანია, რომელიც არაფერს არ წარმოადგენს სხვების თვალში. სკოლაში დიდი დამცირების შემდეგ, იგი გადაწყვეტს შეცვალოს თავისი ცხოვრება და გაიაროს “ცუდი ბიჭები” – ის სკოლის გაკვეთილები…

 

9. ლოგანის იღბალი

სამსახურიდან გამოგაგდეს? მოამზადე ყველაზე შთამბეჭდავი ძარცვა ისტორიაში. ჯიმი ლოგანი ელვის სისწრაფით კრებს “სპეციალისტების” გუნდს.

 

8. ტურ დე ფარმასი

1982 წლის რბოლის “ტურ დე ფარმასის” ისტორია, რომელშიც თითქმის ყველა მონაწილე დოპინგს იყენებდა. ისინი თითქოს ამორალურობაში ეჯიბრებოდნენ ერთმანეთს…

7. ეს დასასრულია

ცნობილი ადამიანები ჯეიმს ფრანკოს სახლში წვეულებაზე ერთობიან, ამ დროს სამყაროს აღსასრული დგება..

 

6. ყოვლისშემძლე ბრიუსი

ბრიუს ნოლანი ნიუ-იორკის შტატის, ბუფალოს ტელევიზიის ენერგიული ჟურნალისტია. მიუხედავად მაღალი პროფესიული რეიტინგისა და ულამაზესი მეგობარი გოგონა გრეისისა, ბრიუსი მაინც უკმაყოფილოა. მისი ცხოვრების ერთ საშინელ დღეს, ის ღმერთს დასცინებს, ხოლო პასუხად, ყოვლისშემძლე უფალი მას ღვთიურ ძალას მიანიჭებს…

 

5. მეზობელი გოგონა

მბიციურ ბოლო კლასის მოსწავლე მეთიუს პოლიტიკური კარიერის გაკეთება აქვს დაგეგმილი, ამ დროს კი 19 წლის უმშვენიერესი მეზობელი დენიელი შეუყვარდება. მეთიუს ნათელი მომავალი საფრთხის წინაშეა, რადგან ის აღმოაჩენს, რომ დენიელი ადრე პორნო ვარსკვლავი იყო. მეთიუ იძულებულია სიყვარულის გამო ცხოვრებისეული მიზნები გადააფასოს…

 

4. რატომ ის?

ოჯახის უფროსი მისი ქალიშვილის მდიდარი შეყვარებულის წინააღმდეგია.

 

3. სულელი: უკანასკნელი შერკინება

დაგ გლათი ჰოკეის მოთამაშეა, რომელსაც არცთუ ისე კარგად გამოსდის ეს საქმე, მაგრამ ნებისმიერის დამარცხება შეუძლია მისი ძლიერი მუშტების საშუალებით. მარჯვენა ხელის ტრამვის მიღების შემდეგ, მას ჰოკეის მიტოვება მოუწევს, მაგრამ ძალიან უჭირს მოსაწყენ საოფისე საქმიანობასთან შეგუება…

 

2. ქერა ეთერში

ამბიციური ტელეწამყვანი ლოს-ანჯელესის ერთ-ერთ ტელევიზიაში გასაუბრების დროს განცდილი მარცხის შემდეგ, გულის გადასაყოლებლად დასალევად მიდის. ბობოქარი ღამის შემდეგ ის გონზე მოდის ქუჩაში, უფულოდ, პასპორტის და მანქანის გარეშე. თან აქვს მხოლოდ მობილური და კითხულობს შეტყობინებას: “გილოცავთ! აყვანილი ხართ სამსახურში. დღეს პირველი გადაცემა გექნებათ!”

 

1. მისტერ და მისის სმიტები

ჯონ და ჯეინ სმიტებისთვის ქორწინება მოსაწყენი და ერთფეროვანი გახდა, თუმცა ცოლ-ქმარმა ჯერ არ იცის, რომ ორივე მათგანი ერთნაირ გასაიდუმლოებულ სამსახურშია: ისინი დაქირავებული მკვლელები არიან. ერთმანეთისთვის საქმიანობის დამალვა მათთვის სირთულეს არასდროს წარმოადგენდა, სანამ არ აღმოჩენდნენ, რომ ორივე მათგანის მორიგი დავალება ერთმანეთის მიზანში ამოღებაა