საპენსიო სქემაში 900 ათასზე მეტი ადამიანია ჩართული
საპენსიო სქემაში 900 ათასზე მეტი ადამიანია ჩართული

A+ A-

23:44 11/11/2019

საპენსიო სქემაში პირველი იანვრიდან დღემდე 923,258 ადამიანი გაწევრიანდა, საიდანაც 746,829 კერძოზე, ხოლო საჯარო სექტორზე 215,676 მოდის.

როგორც „ინტერპრესნიუსს“ საპენსიო სააგენტოდან აცნობეს, სისტემაში 59,379 ათასი კერძო ორგანიზაციაა ჩართული. ფონდის ღირებულება 409,507,840 ლარია. შენატანებზე დამატებით დარიცხული სარგებელი 11,163,782 ლარს შეადგენს.

უწყების ცნობითვე, ამ დროისთვის კომპანიების მიერ შენატანების დეპოზიტურ მოცულობებთან ერთად ფონდის მთლიანი ღირებულება 455,177,604 ლარს შეადგენს. ფონდის ერთეულის ღირებულება საწყისი 10 ლარიდან 10.48 ლარამდე გაიზარდა, რაც 4.8%-იან ზრდას წარმოადგენს. ფონდის მონაწილეთა რაოდენობა ბოლო თვეებში საშუალოდ დღეში 500-700 მონაწილით იზრდება, ხოლო გასულთა რიცხვი უმნიშვნელოა.